ຄະນະຜູ້ບໍລິຫານຂອງໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີໄປທັດສະນະສຶກສາພາຍໄຕ້ໂຄງການກະເສດຢັ້ງຢືນຕາມຫຼັກຂອງປັດສະຍາເສດຖະກິດແບບພໍພຽງງທີ່ສະຖາບັນການອາຊີວະສຶກສາກະເສດພາກເໜືອ( ແຂວງຕາກ)ແຫ່ງປະເທດໄທໂດຍການໄປທັດສະນະສຶກສາທີ່ວິທະຍາໄລກະເສດພິຈິດ,ກຳແພງເພັດແລະວິທະຍາໄລກະເສດພະເຍົາໃນຄັ້ງວັນທີ: 20-23.6.2023 ໂດຍການສະໜັບສະໜູນງົບປະມານຈາກໂຄງການ TICA ແຫ່ງຣາຊະອານາຈັກໄທ

 

ຄະນະຜູ້ບໍລິຫານຂອງໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີໄປທັດສະນະສຶກສາພາຍໄຕ້ໂຄງການກະເສດຢັ້ງຢືນຕາມຫຼັກຂອງປັດສະຍາແບບພໍພຽງງທີ່ວິທະຍາໄລກະເສດພິຈິດ,ກຳແພງເພັດແລະວິທະຍາໄລກະເສດພະເຍົາໃນຄັ້ງວັນທີ: 20-23.6.2023 ໂດຍການສະໜັບສະໜູນງົບປະມານຈາກໂຄງການ TICA ແຫ່ງຣາຊະອານາຈັກໄທ

ການຝຶກອົບຮົມການປຸງແຕ່ງອາຫານໄທ ( ປະເພດອາຫານຄາວ-ອາຫານຫວານ) ໃຫ້ແກ່ພະນັກງານຄູອາຈານ ແລະ ນັກສຶກສາປີສຸດທ້າຍສາຂາປຸງແຕ່ງອາຫານ ແລະ ການບໍລິການເຄື່ອງດື່ມໃນຄັ້ງວັນທີ:12-13.6.2023

 

ການຝຶກອົບຮົມການປຸງແຕ່ງອາຫານໄທ ( ປະເພດອາຫານຄາວ-ອາຫານຫວານ) ໃຫ້ແກ່ພະນັກງານຄູອາຈານ ແລະ ນັກສຶກສາປີສຸດທ້າຍສາຂາປຸງແຕ່ງອາຫານ ແລະ ການບໍລິການເຄື່ອງດື່ມໃນຄັ້ງວັນທີ:12-13.6.2023 ໂດຍແມ່ນຄູຝຶກທີ່ເປັນ Chef ຈຳນວນ 2 ທ່ານ ມາຈາກສະຖານທູດແຫ່ງປະເທດໄທປະຈຳຢູ່ນະຄອນຫຼວງວຽງຈັນມາຝຶກອົບຮົມໃຫ້.

ຄະນະທີມງານຂອງປະເທດໄທທີ່ເດີນທາງມາຕິດຕາມການກໍ່ສ້າງສູນຮຽນຮູ້ເພື່ອການພັດທະນາການກະເສດແບບຍັ່ງຢືນຕາມແນວທາງປັດຊະຍາຂອງເສດຖະກິດພໍພຽງ ທີ່ໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີ ໃນຄັ້ງວັນທີ: 10.05.2023

ຄະນະທີມງານຂອງປະເທດໄທທີ່ເດີນທາງມາຕິດຕາມການກໍ່ສ້າງສູນຮຽນຮູ້ເພື່ອການພັດທະນາການກະເສດແບບຍັ່ງຢືນຕາມແນວທາງປັດຊະຍາຂອງເສດຖະກິດພໍພຽງ ທີ່ໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີໃນຄັ້ງວັນທີ: 10.05.2023  ໂດຍການໃຫ້ກຽດຕ້ອນຮັບຂອງທ່ານ ທອງດີ ເນົາວັນເພັງ ຮອງຜູ້ອຳນວຍການໂຮງຮຽນ,ພ້ອມດ້ວຍພະນັກງານຄູອາຈານທີ່ກ່ຽວຂ້ອງ,ຝ່າຍປະເທດໄທນຳໂດຍທ່ານ ປະຈັກ ທາສີ ຜູ້ອຳນວຍການສະຖາບັນການອາຊີວະກະເສດພາກເໜືອ,ພ້ອມດ້ວຍຄະນະທີມງານຈາກປະເທດໄທ ( ເລີ່ງລາຍຊື່ຕາມເອກະສານຄັດຕິດ )

ຈຸດປະສົງແມ່ນເພື່ອຕິດຕາມການກໍ່ສ້າງສູນຮຽນຮູ້ເພື່ອການພັດທະນາການກະເສດແບບຍັ່ງຢືນຕາມແນວທາງປັດຊະຍາຂອງເສດຖະກິດພໍພຽງ ທີ່ໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີໃນຄັ້ງວັນທີ: 10.05.2023 ທ່ານ ທອງດີ ເນົາວັນເພັງ ຮອງຜູ້ອຳນວຍການໂຮງຮຽນໄດ້ລາຍງານສະພາບການຈັດຕັ້ງການຮຽນ-ການສອນຂອງໂຮງຮຽນ ແລະ ການກໍ່ສ້າງສູນຮຽນຮູ້ດັ່ງກ່າວໃຫ້ຄະນະທີມງານຮັບຊາບ ແລະ ລົງເຄື່ອນໄຫວຕິດຕາມການເຮັດພາກປະຕິບັດຂອງສາຂາຕ່າງໆພາຍໃນໂຮງຮຽນ,ຫຼັງຈາກນັ້ນໄດ້ນຳພາໄປເບິ່ງສະຖານທີ່ການກໍ່ສ້າງສູນຮຽນຮູ້ເພື່ອການພັດທະນາການກະເສດແບບຍັ່ງຢືນຕາມແນວທາງປັດຊະຍາຂອງເສດຖະກິດພໍພຽງ ຫຼັງຈາກນັ້ນຄະນະທີມງານດັ່ງກ່າວໄດ້ເດີນທາງກັບໄປແຂວງຫຼວງພະບາງໃນເວລາ 13: 30 ນາທີ.

                                   ແຜນດຳເນີນງານການກໍ່ສ້າງສູນຮຽນຮູ້ Master Plans

ກອງປະຊຸມປຶກສາລືກ່ຽວກັບການສ້າງສູນຮຽນຮູ້ເພື່ອການພັດທະນາກະສິກຳແບບຍືນຍົງພາຍໃຕ້ການຮ່ວມມືດ້ານວິຊາການລາວ-ໄທ ( TICA ) ທີ່ໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີ ໃນຄັ້ງວັນທີ 23-24 ພະຈິກ 2022

 

ຜົນສຳເລັດຂອງການຝຶກອົບຮົມການສ້າງສື່ການຮຽນ-ການສອນ ແລະ ການອັບໂຫຼດຂໍ້ມູນ ຊຸດການສອນເຂົ້າໃນລະບົບເວບໄຊໃຫ້ແກ່ຄະນະພະແນກ, ພາກວິຊາ/ຂະແໜງການຂອງໂຮງຮຽນເຕັກນິກວິຊາຊີບ-ແບບປະສົມ ແຂວງໄຊຍະບູລໃນຄັ້ງວັນທີ 4 ພະຈິກ 2022

  ການຝຶກອົບຮົມການສ້າງສື່ການຮຽນ-ການສອນ ແລະ ການອັບໂຫຼດຂໍ້ມູນຊຸດການສອນເຂົ້າໃນລະບົບເວບໄຊ

ໃຫ້ແກ່ຄະນະພະແນກ, ພາກວິຊາຂອງໂຮງຮຽນເຕັກນິກວິຊາຊີບ-ແບບປະສົມ ແຂວງໄຊຍະບູລີ,ໄດ້ໄຂຂຶ້ນໃນຕອນເຊົ້າຂອງວັນທີ 30 ຕຸລາ ປີ2022 ເວລາ 8ໂມງ 00 ນາທີ ທີ່ຫ້ອງປະຊຸມຂອງໂຮງຮຽນເຕັກນີກ-ວິຊາຊີບແບບປະສົມແຂວງໄຊຍະບູລີໂດຍການເປັນປະທານຂອງທ່ານ ທອງດີ ເນົາວັນເພັງ ຮອງຜູ້ອຳນວຍການໂຮງຮຽນ,ຄູຝຶກ 2 ທ່ານ,ຕາງໜ້າຄະນະພະແນກ,ຄະນະພາກວິຊາ,ຜູ້ຮັບຜິດຊອບລະບົບຖາຂໍ້ມູນຂອງແຕ່ລະພາກວິຊາ,ພະແນກການ,ຂະແໜງການເຂົ້້າຮ່ວມຈຳນວນ 27 ຄົນ,ຍິງ 3ຄົນ,ກອງປະຊຸມດັ່ງກ່າວຈະດຳເນີນເປັນເວລາ 5ວັນ ແຕ່ວັນທີ 30 ຕຸລາ - 4 ພະຈິກ 2022 ຈຶ່ງຈະສຳເລັດ.

ທຶນສະໜັບສະໜູນໃນການຝຶກອົບຮົມໃນຄັ້ງນີ້ແມ່ນໂຄງການຝຶກອົບຮົມວິຊາຊີບ ແລະ ສົ່ງເສີມການມີວຽກເຮັດງານທຳ        ( ໂຄງການ VTESS )

ກອງປະຊຸມຝຶກອົບຮົມ ການສ້າງສື່ການຮຽນ-ການສອນ ແລະ ການອັບໂຫຼດຂໍ້ມູນ ຊຸດການສອນເຂົ້າໃນລະບົບເວບໄຊໃຫ້ແກ່ຄະນະພະແນກ, ພາກວິຊາ/ຫົວໜ້າຂະແໜງການຂອງໂຮງຮຽນເຕັກນິກວິຊາຊີບ-ແບບປະສົມ ແຂວງໄຊຍະບູລີ. ວັນທີ 31 ຕຸລາ - 4 ພະຈິກ 2022, ສະໜັບສະໜູນໂດຍ ໂຄງການ VTESS

ພິທີມອບ-ຮັບອາຄານຮຽນ 6 ຫ້ອງຮຽນຂະໜາດ 8x42ແມັດມູນຄ່າ: 425.000.000 ກີບ ທຶນໃນການຊື້ວັດສຸດຸອຸປະກອນການກໍ່ສ້າງໂດຍໄດ້ຮັບທຶນສະໜັບສະໜູນຈາກໂຄງການມູນນິທິເກື້ອຝັນເດັກ

 

    ພິທີມອບ-ຮັບອາຄານຮຽນ 6 ຫ້ອງຮຽນຂະໜາດ 8x42 ແມັດມູນຄ່າ: 425.000.000 ກີບ ທຶນໃນການຊື້ວັດສຸດຸອຸປະກອນການກໍ່ສ້າງໂດຍໄດ້ຮັບທຶນສະໜັບສະໜູນຈາກໂຄງການມູນນິທິເກື້ອຝັນເດັກ,ພິທີດັ່ງກ່າວໄດ້ໄຂຂຶ້ນທີ່ໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີໂດຍການເປັນປະທານຂອງທ່ານ ອ່ອນຕາ ພົມມະຈິດ ກຳມະການພັກແຂວງ ຫົວໜ້າພະແນກສຶກສາທິການ ແລະ ກິລາແຂວງໄຊຍະບູລີ,ທ່ານ ທອງຈັນ ພັນທຸອາມາດ ຜູ້ອຳນວຍການໂຮງຮຽນ,ທ່ານ ເເດນຽວ ມາໂຄ ຊິກຟຣີ ຫົວໜ້າໂຄງການມູນນິທິເກື້ອຝັນເດັກ ,ມີຄະນະອຳນວຍການໂຮງຮຽນ,ພະນັກງານຄູອາຈານ ແລະ ແຂກເຂົ້າຮ່ວມພ້ອມດ້ວຍນັກສຶກສາຈຳນວນໜຶ່ງ.

ກອງປະຊຸມ ຄະນະຮັບຜິດຊອບໂຄງການ ຝຶກອົບຮົມ ແລະ ສະໜັບສະໜູນການມີວຽກເຮັດງານທໍາ (VTESS) ຂັ້ນແຂວງ,ທີ່ ໂຮງຮຽນເຕັກນິກ-ວິຊາຊີບ ແຂວງໄຊຍະບູລີ ຄັ້ງວັນທີ 18 ສິງຫາ 2022

 

ກອງປະຊຸມຄະນະຮັບຜິດຊອບຂັ້ນແຂວງ ຂອງໂຄງການຝຶກອົບຮົມວິຊາຊີບ ແລະ ສະໜັບສະໜູນການມີວຽກເຮັດວຽກເຮັດງານທຳ (VTESS) ໄດ້ເປີດຂຶ້ນໃນຕອນເຊົ້າຂອງວັນພະຫັດ ວັນທີ 18 ສິງຫາ 2022 ທີ່ຫ້ອງປະຊຸມຂອງໂຮງຮຽນເຕັກນິກ-ວິຊາຊີບແບບປະສົມແຂວງ ເຊິ່ງກອງປະຊຸມດັ່ງກ່າວ ໄດ້ດຳເນີນເປັນເວລາ 1 ​ຕອນ, ໂດຍໃຫ້ກຽດເປັນປະທານໂດຍ ທ່ານ ບຸນເພັງ ມາຖາ ຮອງຫົວໜ້າພະແນກ ສຶກສາທິການ ແລະ ກິລາແຂວງໄຊຍະບູລີ,ທ່ານ ທອງຈັນ ພັນທຸອາມາດ ຜູ້ອຳນວຍການໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີ, ເຊິ່ງມີຜູ້ຕາງໜ້າຈາກຄະນະຮັບບຜິດຊອບຂັ້ນແຂວງ, ຜູ້ໃຫ້ຄຳປຶກສາ,ຄູອາຈານຈາກໂຮງຮຽນເຕັກນິກ-ວິຊາຊີບ ແລະ ທີມງານຂອງໂຄງການເຂົ້າຮ່ວມທັງໝົດ 29 ທ່ານ ຍິງ 8 ທ່ານ ແລະ ທີມງານຈາກໂຄງເຂົ້າຮ່ວມທາງອອນລາຍ ຈາກນະຄອນຫຼວງວຽງຈັນ 4 ​ທ່ານ ຍິງ 2​ ທ່ານ.

1. ຈຸດປະສົງຂອງກອງປະຊຸມ

-    ເພື່ອລາຍງານຜົນການຈັດຕັ້ງປະຕິບັດໂຄງການຝຶກອົບຮົມວິຊາຊີບ ແລະ ສະໜັບສະໜູນການມີວຽກເຮັດງານທໍາ ໄລຍະ 6ເດືອນທ້າຍ ປີ2022

    - ນໍາສະເໜີແຜນ ແລະ ປຶກສາຫາລື ກ່ຽວກັບແຜນການຈັດຕັ້ງປະຕິບັດກິດຈະກໍາ  (ຮ່ວກັນກໍານົດຕົວເລກຄາດໝາຍ) ໄລຍະ 6ເດືອນ ທ້າຍປີ 2022

                 - ເພື່ອເປັນການປຶກສາຫາລື ແລກປ່ຽນ ຖອດຖອນບົດຮຽນ ກ່ຽວກັບສິ່ງທີ່ພົ້ນເດັ່ນ ບັນຫາຫົວຂໍ້ທີ່ຄົງຄ້າງ ແລະ ສິ່ງທ້າທາຍ

     ຕ່າງໆ ໃນການຈັດຕັ້ງປະຕິບັດໃນໄລຍະຜ່ານມາ ແລະວາງແຜນການຈັດຕັ້ງປະຕິດກິດຈະກຳຕ່າງໆຂອງໂຄງການ.

2. ການດໍາເນີນເນື້ອໃນກອງປະຊຸມ

ກອງປະຊຸມຄັ້ງນີ້ ແມ່ນໄດ້ ເປີດຂຶ້ນໃນເວລາ 08:30 ນາທີ ແລະ ໄດ້ດຳເນີນໄປ 1 ​ຕອນ ເຊິ່ງລາຍລະອຽດດັ່ງນີ້:

-       ທ່ານ ບຸນເພັງ ມາຖາ ຮອງຫົວໜ້າພະແນກສຶກສາທິການ ແລະ ກິລາແຂວງ ໄດ້ກ່າວແນະນຳຈຸດປະສົງຄາດໝາຍ ແລະ ຄວາມສຳຄັນຂອງກອງປະຊຸມໃນຄັ້ງນີ້ ແລະ ຊົມເຊີຍຜົນສຳເລັດທີ່ໄດ້ຈັດຕັ້ງປະຕິບັດຜ່ານມາ ພ້ອມນັ້ນກໍ່ຍັງໄດ້ໃຫ້ທິດຊີ້ນຳແກ່ຄະນະຮັບຜິດຊອບໂຄງການຂັ້ນແຂວງ ແຕ່ລະພາກສ່ວນ ໄດ້ມີຄຳຄິດຄຳເຫັນແລກປ່ຽນ ແລະ ຖອດຖອນບົດຮຽນນຳກັນ ເພື່ອໃຫ້ການຈັດຕັ້ງປະຕິບັດໃນຊຸດຕໍ່ໄປ ໃຫ້ໄດ້ຮັບປະສິດທິພາບ ແລະ ປະສິດທິຜົນສູງສຸດ ພ້ອມມທັງກ່າວເປີດພິທີຢ່າງເປັນທາງການ,ທ່ານ ນາງ ສອນເພັດ ສີບຸນຄົງ ຮອງຜູ້ອຳນວຍການໂຮງຮຽນ ຂຶ້ນນຳສະເໜີ ບົດລາຍງານຄວາມຄຶືບໜ້າ ໃນການດຳເນີນການຝຶກອົບຮົມວິຊາຊີບ ໃນໄລຍະທີ່ຜ່ານມາ

-       ທ່ານ ນາງ ແສງອາລຸນ ແກ້ວບົວ ຜູ້ໃຄຳປຶກສາ (ໂຄສ) ຈາກສະຫະພັນແມ່ຍິງແຂວງ ໄດ້ຂຶ້ນຜ່ານບົດນຳສະເໜີຜົນສຳເລັດຂອງການຈັດຕັ້ງວຽກງານອົງປະກອບ 02 (ວົງຈອນການໃຫ້ຄຳປຶກສາ ແລະ ສະໜັບສະໜູນການມີວຽກເຮັດງານທຳ) ແລະ ທິດທາງແຜນການໃນການຈັດຕັ້ງປະຕິບັດຕໍ່ໜ້າ

-       ທ່ານ ບຸນທັນ ວາ ຜູ້ໃຫ້ຄຳປຶກສາ ຈາກໂຮງຮຽນເຕັກນິກ-ວິຊາຊີບແບບປະສົມແຂວງ ໄດ້ຂຶ້ນນຳສະເໜີ ຜົນສຳເລັດຂອງການຈັດຕັ້ງວຽກງານອົງປະກອບ 03 (ການເອື້ອອຳນວຍສະພາບແວດລ້ອມ)  

-       ໃນວາລະກອງປະຊຸມຜູ້ເຂົ້າຮ່ວມທັງໝົດ ໄດ້ມີການແລກປ່ຽນຄຳຄິດເຫັນຢ່າງກົງໄປກົງມາ ກ່ຽວກັບຜົນສຳເລັດທີ່ໄດ້ຈັດຕັ້ງ ທີ່ຜ່ານມາ ແລະ ວິທີການແກ້ໄຂບັນຫາດັ່ງກ່າວ

3. ຜົນໄດ້ຮັບຈາກກອງປະຊຸມ

- ການປະລະຂອງນັກຮຽນ ແມ່ນໃຫ້ມີການສຶກສາອົບຮົມແນວຄິດໃຫ້ແກ່ນັກຮຽນ ແມ່ນໃຫ້ເລີ່ມແຕ່ຜູ້ປົກຄອງ ຕະຫຼອດຮອດຄູອາຈານໃຫ້ທົ່ວເຖິງ

- ຮຽກຮ້ອງໃຫ້ບັນດາສະຖານປະກອບການທຸກພາກສ່ວນ ໃຫ້ການຮ່ວມມມື ໃນການຮັບເອົານັກຮຽນລົງຝຶກງານ ແລະ ສຶກສາອົບຮົມ ລະດົມແນວຄວາມຄິດຊ່ວຍຕື່ມ

- ໄລຍະເວລາ ຂອງການລົງເເນະເເນວວິຊາຊີບ ເພື່ອຮັບເອົານ້ອງໆນັກຮຽນ ແມ່ນສັ້ນເກີນໄປ ສະນັ້ນ, ຄວນມີການປັບປຸງ ໂດຍການເພີ່ມໄລຍະເວລາອອກໄປຕື່ມ ເພື່ອໃຫ້ເຂົາເຈົ້າໄດ້ມີເວລາໃນການຕັດສິນໃຈ

- ໃນການເວລາທີ່ລົງເເນະເເນວວິຊາຊີບ ເພື່ອຮັບເອົານ້ອງໆນັກຮຽນນັ້ນ ຄວນມີຫຼາຍພາກສ່ວນທີ່ກ່ຽວຂ້ອງເຂົ້າຮ່ວມນໍາ ເຊັ່ນ:ສະຫະພັນເເມ່ຍິງ, ຊາວໜຸ່ມແລະ ຄວນໃຊ້ພາສາທ້ອງຖິ່ນ ເພື່ອໃຫ້ຂໍ້ມູນເຂົ້າເຖິງກຸ່ມເປົ້າໝາຍທີ່ມີຄວາມຫຼາກຫຼາຍ

- ໂຄງການ ຝຶກອົບຮົມວິຊາຊີບ ແລະ ສະໜັບສະໜູນການມີວຽກເຮັດງານທໍາ ຫຼື VTESS ນີ້, ເເມ່ນເປັນການຊ່ວຍເຫຼືອທາງດ້ານທຶນຮອນ ຈາກປະເທດສະວີດເຊີເເລນ ເຊິ່ງເປັນບົດບັນທຶກຄວາມເຂົ້າໃຈໂດຍ ກະຊວງສຶກສາທິການ ແລະ ກິລາ ແລະ ຈັດຕັ້ງປະຕິບັດໂດຍ ໂຮງຮຽນເຕັກນິກ-ວິຊາຊີບແບບປະສົມ ຮ່ວມກັບພາກສ່ວນຕ່າງໆ ທີ່ກ່ຽວຂ້ອງແຂວງ ແລະ ກິດຈະກໍາຂອງໂຄງການນີ້ ເເມ່ນເປັນຄວາມຮັບຜິດຊອບຂອງໝົດທຸກພາກສ່ວນພາຍໃນແຂວງຂອງພວກເຮົາ ເພື່ອໃຫ້ບັນລຸເປົ້າໝາຍທີ່ວາງໄວ້

- ການລົງໄປແນະເເນວວິຊາຊີບ ເພື່ອຮັບເອົານ້ອງໆນັກຮຽນນັ້ນ ບໍ່ຄວນກໍານົດເອົາເເຕ່ເມືອງໃດເມືອງໜຶ່ງ ຫຼື ເຂດໃດເຂດໜຶ່ງເທົ່ານັ້ນ ເເຕ່ຄວນມີການໂຄສະນາ ຫຼື ເຜີຍແຜ່ຂໍ້ມູນຂ່າວສານ ໃຫ້ທົ່ວເຖິງທັງໝົດ 11 ເມືອງ ເພື່ອໃຫ້ຂໍ້ມູນເຂົ້າເຖິງກຸ່ມເປົ້າໝາຍ ແລະ ໄດ້ຈໍານວນນ້ອງໆນັກຮຽນຕາມເປົ້າໝາຍ ທີ່ວາງໄວ້

- ສະເໜີຂໍໃຫ້ທາງພະເເນກ ສຶກສາທິການ ແລະ ກິລາ ເປັນເຈົ້າການໃນການພົວພັນກັບຫ້ອງວ່າການແຂວງ ເພື່ອການອອກເເຈ້ງການ ໃນການໂຄສະນາ ຫຼື ເຜີຍແຜ່ຂໍ້ມູນຂ່າວສານ ໃຫ້ທົ່ວເຖິງກຸ່ມເປົ້າໝາຍ

- ຄູອາຈານຜູ້ສິດສອນ ຕ້ອງເປັນເຈົ້າການ ແລະ ຕະຕຸ້ນນ້ອງໆນັກຮຽນ ເພື່ອໃຫ້ເຂົ້າຮ່ວມວົງຈອນຂອງການສິດສອນຄົບຕາມກໍານົດເວລາ

4. ແຜນການໃນການຈັດຕັ້ງໃນຕໍ່ໜ້າ

- ໃຫ້ສົມທົບກັບແຕ່ລະພາກສ່ວນ ທຸກຂັ້ນ ເພື່ອລົງໂຄສະນາແນະແນວວິຊາຊີບ ເພື່ອໃຫ້ໄດ້ຜູ້ເຂົ້າຮ່ວມຕາມກຸ່ມເປົ້າໝາຍໄດ້ຕາມກຳນົດ

- ໂຮງຮຽນເຕັກນິກ-ວິຊາຊີບແບບປະສົມແຂວງ ແມ່ນໃຫ້ສືບຕໍ່ໃນການຈັດຕັ້ງປະຕິບັດກິດຈະກໍາຂອງໂຄງການທັງ 3​ ອົງ

ປະກອບ ໂດຍການປະສານສົມທົບກັບພາກສ່ວນທີ່ກ່ຽວຂ້ອງ ເພື່ອໃຫ້ບັນລຸຕາມເປົ້າໝາຍທີ່ວາງໄວ້

- ໃຫ້ໂຮງຮຽເຕັກນິກ-ວິຊາຊີບແບບປະສົມແຂວງ ປັບປຸງຫຼັກສູດໃຫ້ໄປຕາມຍຸກ ຕາມສະໄໝ ໃຫ້ດີຂຶ້ນເທື່ອລະກ້າວ ເພື່ອໃຫ້ສອດຄ່ອງກັບຄວາມຕ້ອງການຂອງຕະຫຼາດແຮງງານ

- ໃຫ້ທາງໂຄງການ ສືບຕໍ່ຮ່ວມມື ແລະ  ສະໜັບສະໜູນທຶນໃນການຈັດຕັ້ງປະຕິບັດກິດຈະກໍາທັງ 3​ ອົງປະກອບ

- ຜູ້ທີ່ຈະລົງໂຄສະນາແນະແນວນັ້ນ ແມ່ນຕ້ອງເປັນຜູ້ທີ່ມີພອນສະຫວັນດ້ານການປາກເວົ້າໃນການລະດົມແນວຄວາມຄິດ  ແລະຄວນໃຊ້ພາສາທ້ອງຖິ່ນ

- ພາຍຫຼັງສໍາເລັດກອງປະຊຸມ ແມ່ນມອບໃຫ້ກອງເລາຂາ ເປັນຜູ້ຮັບຜິດຊອບໃນການເຮັດບົດບັນທຶກມະຕິກອງປະຊຸມເພື່ອເປັນບ່ອນອີງໃຫ້ເເເຕ່ລະພາກສ່ວນ ໃນການຈັດຕັ້ງປະຕິບັດກິດຈະກໍາ

- ໃຫ້ມີການລົງປະເມີນຜົນໄດ້ຮັບຂອງນັກສໍາມະນາກອນ ເປັນແຕ່ລະໄລຍະ.