ປະຫວັດຄວາມເປັນມາ

 

ກ່ອນ​ທີ່​ຈະ​ໄດ້​ສ້າງ​ຕັ້ງ​ໂຮງຮຽນ​ເຕັກນິກ-ວິຊາ​ຊີບ​ແບບ​ປະສົມ ແຂວງ​ໄຊ​ຍະ​ບູລີແຫ່ງ​ນີ້ສະຖານ​ທີ່​ດັ່ງກ່າວ​ແມ່ນ​ເປັນ​ໂຮງຮຽນ​ສ້າງ​ຄູ​ຊັ້ນ​ກາງ​ເລກ​ທີ່ 10 ​ເມື່ອ​ປີ 1984 ​ແລະ ຍຸບ​ມາ​ເປັນ​ໂຮງຮຽນ​ການ​ເມືອງ​ການ​ປົກຄອງ​ຂອງ​ແຂວງ ມາ​ຮອດ​ປີ 2003 ຍ້ອນຄວາມ​​ເໝາະສົມ​ທາງ​ດ້ານ​ທີ່​ຕັ້ງ ​ແລະ ຄວາມ​ຈຳ​ເປັນ​ທາງ​ບຸກຄະລາ​ກອນ​ຈຶ່ງ​ໄດ້​ສ້າງ​ໂຮງ​ຮຽນເຕັກນິກ-ວິຊາຊີບ​ແບບ​ປະສົມ ແຂວງ​ໄຊ​ຍະບູລີຂື້ນ​ຢູ່​ໃນ​ບໍລິ​ເວນ​ດຽວ​ກັນ​ກັບ​ສູນ​ຝຶກ​ອົບຮົມ​ວິຊາ​ຊີບ​ຂັ້ນພື້ນຖານນອກລະບົບ​ເຊິ່ງ​ໄດ້​ຮັບ​ການ​ສະໜັບສະ​ໜູນ​ຂອງ​ໂຄງການ BAFIS ​ແລະ ກົມ​ອາຊີວະ​ນອກ​ລະບົບ​ ໂຮງຮຽນ​ໃນ​ເດືອນ ກັນຍາ ປີ2003 ນັ້ນ​ລັດຖະມົນຕີ​ກະຊວງ​ສຶຶກສາ​ທິການ​ໄດ້​ອານຸມັດ​ສ້າງ​​ໂຮງຮຽນ​ແຫ່ງ​ນີ້​ຂື້ນ​ຕໍ່​ມາ​ຮອດ​ສົກ​ປີ 2009​-​2010 ​ໄດ້​ປ່ຽນ​ມາ​ເປັນ​ໂຮງຮຽນ​ເຕັກນິກ-ວິຊາ​ຊີ​ບ​ແບບ​ປະສົມ​ແຂວງ​ໄຊ​ຍະ​ບູລີ ມີ​ຊື່​ຫຍໍ້​ວ່າ: ຮຕ.ຊຍ, ລົງ​ວັນ​ທີ່ 28/06/2002 ​ໂດຍ​ການ​ຍົກ​ລະດັບ​ສູນຝຶກ​ອົບຮົມ​ວິຊາ​ຊີບ​ນອກ​ລະບົບ​ໂຮງຮຽນ​ສູນຝຶກ BAFIS

     ​ໃນ​ສົກ​ປີ 2009-2010 ທາງ​ໂຮງຮຽນ​ໄດ້​ຮັບ​ການ​ຊ່ວຍ​ເຫຼືອ​ທາງ​ດ້ານ​ງົບປະມານ​ໂດຍ​ແມ່ນ​ໂຄງການ​ຮ່ວມ​ມື​ລາວ-ເຢຍລະ​ມັນ ( ​ໄລຍະ​ທີ່2 ) Lao – German Cooperation Programme (Phrasell )​ໄດ້​ປະກອບສ່ວນ​ໃນ​ການ​ພັດທະນາ​ພື້ນຖານ​ໂຄງ​ລ່າງ​ແລະ ອຸປະກອນ​ຮັບ​​ໃຊ້​ໃນ​ການ​ຮຽນ-ການ​ສອນ​ໃຫ້​ໂຮງຮຽນ​ໄດ້​ນຳ​ໃຊ້​ຢ່າງ​ເປັນ​ທາງ​ການ​ໃນ​ວັນ​ທີ່ 14/ ທັນວາ /​ 2010 ​ເປັນ​ຕົ້ນ​ມາ.

ໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີ ມີຊື່ຫຍໍ້ວ່າ: ຮຕ.ຊຍ,ໄດ້ຮັບ​ການສ້າງຕັ້ງຂຶ້ນຕາມຂໍ້ ຕົກລົງຂອງທ່ານລັດຖະມົນຕີກະຊວງສຶກສາທິການສະບັບເລກທີ່ 946/ສສ/ 2002/ອຊ, ລົງວັນທີ 28/06/2002 ໂດຍການຍົກລະດັບສູນຝຶກອົບ ຮົມວິຊາຊີບນອກລະບົບໂຮງຮຽນ ( ສູນຝຶກ BAFIS ) ມາເປັນ ໂຮງຮຽນວິຊາຊີບ ແບບປະສົມ ແຂວງໄຊຍະບູລີ ເຊິ່ງເປັນການຈັດການຮຽນ-ການສອນເປັນຫຼັກສູດໄລຍະສັ້ນ(ການຝຶກອົບຮົມວິຊາຊີບ) ແລະ ຫຼັກສູດໄລຍະຍາວ. ໄລຍະນັ້ນແມ່ນເປີດການຮຽນ-ການສອນເປັນຫຼັກສູດໄລຍະຍາວຊັ້ນກາງ 11+3 ໃນ 4 ສາ ຂາວິຊາຮຽນຄື : 1) ສາຂາວິຊາບໍລິຫານທຸລະກິດ, 2) ສາຂາວິຊາປູກຝັງ ແລະວິທະຍາສາດດິນ,  3) ສາຂາວິຊາ ລ້ຽງສັດ ແລະ ການປະມົງ ແລະ 4) ສາຂາວິຊາກໍ່ສ້າງ-ຊ່າງໄມ້ , ຮອດປີ 2009 ເລີ່ມປ່ຽນມາເປັນຫຼັກສູດ ຊັ້ນກາງ 12+2, ນຳໃຊ້ຫຼັກສູດຊັ້ນກາງ 9+3 ແລະ ເປີດຫຼັກສູດຊັ້ນສູງຕໍ່ເນື່ອງ 12+2+1,5 ແຕ່ປີ 2010 ແລະ ໄດ້ປ່ຽນ ຊື່ເປັນໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີ ຈົນເຖິງປະຈຸບັນ, ຈາກນັ້ນໄດ້ເປີດຫຼັກສູດຊັ້ນສູງຕໍ່ ເນື່ອງ 9+3+2 ເລີ້ມແຕ່ປີ 2014 ເປັນຕົ້ນມາ.

ມາ​ເຖິງ​ປັດ​ຈຸ​ບັນ​ຍັງ​ສາ​ມາດ​ສືບ​ຕໍ່​ເປີດ​ສອນຫຼັກ​ສູດ​ລະ​ດັບຝຶກອົບຮົມວິຊາຊີບໃຫ້ກຸ່ມເປົ້າໝາຍ, ຈັດຝຶກອົບຮົມວິຊາຊີບລະດັບ 1 ສາຂາວິຊາ ປຸງແຕ່ງອາຫານ ແລະ ການບໍລິການ, ໄຟຟ້າໃນອາຄານ, ປູກພືດ, ລ້ຽງສັດ ແລະ ກໍ່ສ້າງ, ຊັ້ນກາງ ມີສາຂາວີຊາ ປູກຝັງ, ລ້ຽງສັດ, ການບັນຊີ, ປຸງແຕ່ງອາຫານ ແລະ ການບໍລິການ, ໄຟຟ້າເຕັກນິກ, ຊ່າງເຟີນີເຈີ, ກໍ່ສ້າງເຄຫາສະຖານ, ສ້ອມແປງລົດຍົນ, ສ້ອມແປງທົ່ວໄປ, ຊ່າງຈອດ, ວິຈິດສິນ(ປະຕິມະກຳຂວັດແກະສະຫຼັກໄມ້) ແລະ ຊັ້ນ​ສູງ ສາ​ຂາ​ວິ​ຊາ ການ​ບັນ​ຊີ, ກໍ່ສ້າງເຄຫາສະຖານ, ປູກຝັງ, ລ້ຽງສັດ, ໄຟຟ້າເຕັກນິກ. ທັງ​ນີ້​ກໍ​ເພື່ອ​ຕອບ​ສະ​ໜອງ​ກາ​ພັດ​ທະ​ນາ​ຊັບ​ພະ​ຍາ​ກອນ​ມະ​ນຸດ ໃຫ້​ມີ​ຄວາມ​ຮູ້​ຄ​ວາມ​ສາ​ມາດ ອອກ​ຮັບ​ໃຊ້​ສັງ​ຄົມ​ຕາມ​ແນວ​ທາງ​ພັກ-ລັດ ໃນ​ການ​ພັດ​ທະ​ນາ​ເສດ​ຖະ​ກິດ​-ສັງ​ຄົມ ກໍ​ຄື​ການ​ສ້າງ​ສາ​ພັດ​ທະ​ນາ​ປະ​ເທດ​ຊາດ ໃຫ້​ຈະ​ເລີນ​ກ້າວ​ໜ້າ ພ້ອມ​ທັງ​ສົ່ງ​ເສີມ​ລະ​ບົບ​ການ​ສຶກ​ສາວຽກງານອາຊີວະສຶກສາ ໃຫ້​ມີ​ຄຸນ​ນະ​ພາບ​ເທົ່າ​ທຽມ​ກັບ​ການ​ສຶກ​ສາ​ຂອງ​ ພາກ​ພື້ນ ແລະ ສາ​ກົນ​ເທື່ອ​ລະ​ກ້າວ.

1.  ຂໍ້ມູນພື້ນຖານຂອງສະຖາ​ການ​ສຶກ​ສາ

1.    ຊື່​ຂອງ​ສະ​ຖານ​ການ​ສຶກ​ສາ
​ຂຽນ​ເປັນ​ພາ​ສາ​ລາວ	​ໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີ
​ຂຽນ​ເປັນ​ພາ​ສາ​ອັງ​ກິດ	Integrated Technical Vocational School of Sayaboury Province
ອັກ​ສອນ​ຫຍໍ້​ພາ​ສາ​ລາວ	ຮຕ.ຊຍ
​ອັກ​ສອນ​ຫຍໍ້​ພາ​ສາ​ອັງ​ກິດ	ITVS.SY
2.    ຊື່​ສະ​ຖາ​ບັນ​ກ່ອ​ນຽ​ໜ້ານີ້	ບໍ່​ມີ
3.    ສະ​ຖານ​ການ​ສຶກ​ສາ​ຂຶ້ນ​ກັບ​ພາກ​ສ່ວນ	ພະແນກສຶກສາທິການ ແລະ ກິລາແຂວງໄຊຍະບູລີ,ກົມອາຊີວະສຶກສາ ກະ​ຊວງ​ສຶກ​ສາ​ທິ​ການ ແລະ ກິ​ລາ
4.    ທີ່​ຕັ້ງ​ຂອງ​ສະ​ຖານ​ການ​ສຶກ​ສາ	ບ້ານສວນ,ເມືອງໄຊຍະບູລີ,ແຂວງໄຊຍະບູລີ
5.    ການ​ສື່​ສານ​ພົວ​ພັນ	ໂທ​ລະ​ສັບ, ແຟັກ, ອີ​ເມວ, ເວັບ​ໄຊ....
ເບີ​ໂທ​ລະ​ສັບ	(074) 212201
ແຟັກ	(074) 212201
6.    ເວບໄຊຂອງໂຮງຮຽນ	Ivetxayaboury.blogspot.com
7.     E-mail	ivetsayaboury@yahoo.com thongdynaohvanpheng@yahoo.com
8.      ປີ​ສ້າງ​ຕັ້ງ​ສະ​ຖານ​ການ​ສຶກ​ສາ	2003
9.      ແຜນວາດໂຄງຮ່າງການຈັດຕັ້ງຂອງສະຖາບັນ	ມີເປັນເອກະສານຕິດຂັດ
10.ແຜນວາດອາຄານຂອງສະຖາບັນ	ມີເປັນເອກະສານຕິດຂັດ
11. ວິ​ໃສ​ທັດຂອງ​ສະ​ຖາ​ບັນ	ມີເປັນເອກະສານຕິດຂັດ
12.ພາລະໜ້າທີ່ ​ແລະ ຈຸດໝາຍການກໍ່ສ້າງ​ຂອງ​ສະ​ຖາ​ບັນ	ມີເປັນເອກະສານຕິດຂັດ
13. ໃບຮັບຮອງຄຸນນະພາບການສຶກສາ	ມີເປັນເອກະສານຕິດຂັດ

 2.  ປະຫັວດຄວາມເປັນມາຂອງສະຖາການ​ສຶກ​ສາ.

ໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີມີສະຖານທີ່ຕັ້ງຢູ່ບ້ານສວນ,ເມືອງໄຊຍະບູລີ,

ແຂວງໄຊຍະບູລີ,ຖະໜົນເລກທີ 13 ເໜືອ, ມີຊື່ຫຍໍ້ວ່າ: ຮຕ.ຊຍ,ໄດ້ຖືກສ້າງຕັ້ງຂຶ້ນຕາມຂໍ້ຕົກລົງຂອງທ່ານລັດຖະມົນ

ຕີກະຊວງສຶກສາທິການສະບັບເລກທີ່ 946/ສສ/ 2002/ອຊ, ລົງວັນທີ 28/06/2002 ໂດຍການຍົກລະດັບສູນຝຶກອົບ ຮົມວິຊາຊີບນອກລະບົບໂຮງຮຽນ( ສູນຝຶກ BAFIS )

ໃນປີ 2003 ໄດ້ເອີ້ນຊື່ວ່າໂຮງຮຽນວິຊາຊີບແບບປະສົມແຂວງເຊິ່ງໄດ້ດຳເນີນການຮຽນ-ການສອນພຽງ

ແຕ່ 3 ສາຂາວິຊາຮຽນໃນຫຼັກສູດຊັ້ນກາງ 11+3 ເທົ່ານັ້ນຄື: ສາຂາກະສິກຳ ( ປູກຝັງ ແລະ ລ້ຽງສັດ),ສາຂາກໍ່ສ້າງເຄຫະສະຖານ ແລະ ສາຂາບໍລິຫານທຸລະກິດ.

ມາຮອດປີ 2008 ທາງໂຮງຮຽນກໍ່ໄດ້ຍົກຖານະຂອງໂຮງຮຽນຈາກໂຮງຮຽນວິຊາຊີບແບບປະສົມແຂວງ

ໄຊຍະບູລີມາເປັນໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີ ແລະ ຂະຫຍາຍສາຂາວິຊາຮຽນຈາກ 3 ສາຂາວິຊາຮຽນມາເປັນ 7 ສາຂາວິຊາຮຽນຈາກຫຼັກສູດຊັ້ນກາງ 11+3  ມາເປັນຫຼັກສູດຊັ້ນກາງ 12+2 ຄື:ສາຂາກໍ່ສ້າງເຄຫະສະຖານ,ຊ່າງໄມ້,ປູກຝັງ,ລ້ຽງສັດ,ບໍລິຫານທຸລະກິດ,ສາຂາປຸງແຕ່ງອາຫານ ແລະ ການບໍລິການ ແລະ ສາຂາສ້ອມແປງທົ່ວໄປ.

               ມາຮອດປີ 2010 ທາງໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີໄດ້ຮັບການຊ່ວຍເຫຼືອໃນການກໍ່ສ້າງພື້ນຖານໂຄງລ່າງ ແລະ ປະກອບປັບປຸງອຸປະກອນການຮຽນ-ການສອນ,ພາຍໃຕ້ໂຄງການຮ່ວມມືລາວ-ເຢຍລະມັນ ( Lao-German Cooperation VTTP III ) ແລະ ທາງໂຮງຮຽນກໍ່ໄດ້ມີໃບໜ້າໂສມໃໝ່ເຮັດໃຫ້ສາມາດຂະຫຍາຍສາຂາວິຊາຮຽນອອກອີກຕື່ມ 2 ສາຂາຈາກ 7 ສາຂາວິຊາມາເປັນ 8 ສາຂາວິຊາຮຽນ ແລະ ປະກອບມີ3 ຫຼັກສູດຄື:ຫຼັກສູດຊັ້ນກາງ 12+2 ,ຫຼັກສູດຊັ້ນກາງ 9+3 ແລະ ຫຼັກສູດຊັ້ນສູງຕໍ່ເນື່ອງ 12+2+1,5  ແລະ ຂະຫຍາຍສາຂາວິຊາຮຽນເພີ້ມ 1 ສາຂາໄຟຟ້າເຕັກນິກ.

              ມາຮອດປະຈຸບັນໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີໄດ້ດຳເນີນຫຼັກສູດການຮຽນການສອນຢູ່ 4 ຫຼັກສູດ,ໂດຍອີງຕາມມາດຖານຫຼັກສູດແຫ່ງຊາດທີ່ໄດ້ຮັບການອະນຸມັດຈາກກະຊວງສຶກສາທິການ ແລະ ກິລາເຊິ່ງປະກອບມີ:

-       ຫຼັກສູດຊັ້ນກາງ 12+2 ປະກອບມີ 7 ສາຂາຄື: ສາຂາປຸງແຕ່ງອາຫານ ແລະ ການບໍລິການ,ສາຂາປູກຝັງ,ສາຂາລ້ຽງສັດ,ໄຟຟ້າເຕັກນິກ,ສ້ອມແປງທົ່ວໄປ,ກໍ່ສ້າງເຄຫະສະຖານ,ບໍລິຫານທຸລະກິດ.

-       ຫຼັກສູດຊັ້ນສູງຕໍ່ເນື່ອງ 12+2+1,5 ປະກອບມີ 5 ສາຂາຄື: ສາຂາປູກຝັງ,ສາຂາລ້ຽງສັດ,ໄຟຟ້າເຕັກນິກ,ກໍ່ສ້າງເຄຫະສະຖານ,ບໍລິຫານທຸລະກິດ.

-       ຫຼັກສູດຊັ້ນສູງຕໍ່ເນື່ອງ 9+3+2 ປະກອບມີ 3 ສາຂາຄື: ສາຂາປູກຝັງ,ສາຂາລ້ຽງສັດ,ໄຟຟ້າເຕັກນິກ

-       ຫຼັກສູດຊັ້ນກາງ 9+3 ປະກອບມີ 5 ສາຂາຄື: ສາຂາປູກຝັງ,ສາຂາລ້ຽງສັດ,ໄຟຟ້າເຕັກນິກ,ສ້ອມແປງທົ່ວໄປ,ສາຂາປຸງແຕ່ງອາຫານ ແລະ ບໍລິການ.

3.  ຈຸດພິເສດ ຫຼື ຈຸດເດັ່ນ

        ແຂວງ​ ໄຊ​ຍະ​ບູລີ ແມ່ນ​ແຂວງ​ໜຶ່ງ​ໃນ 8 ແຂວງ​ພາກ​ເໜືອ​ຂອງ​ລາວ, ຕັ້ງ​ຢູ່​ຝັ່ງ​ຂວາ​ຂອງ​ແມ່​ນ້ຳຂອງມີ​ເນື້ອ​ທີ່​ທັງ​ໝົດ 16,389 Km² ຕິ​ດກັບ 3 ແຂວງ​ພາກ​ເໜືອ​ຄື: ​ແຂວງ​ບໍ່​ແກ້ວ, ​ແຂວງ​ອຸດົມ​ໄຊ​,​ ແຂວງ​ຫຼວງ​ພະ​ບາງ ​ແລະ 1 ແຂວງ​ພາກ​ກາງຄື: ​ແຂວງ​ວຽງ​ຈັນ, ທິດ​ຕາ​ເວັນ​ຕົກ ​ແລະ ທິດ​ໃຕ້​ຕິດ​ກັບ 6 ແຂ​ວງຂອງ​ໄທ ຊຶ່ງ​ມີ​ຄວາມ​ຍາວ 647 Km ຄື: ແຂວງ​ເລີຍ, ແຂວງພິດ​ສະນຸ​ໂລກ, ແຂວງອຸດຕະລະ​ດິດ, ແຂວງນ່ານ, ແຂວງພະ​ເຍົາ, ​ແລະ ແຂວງຊຽງ​ລາຍ.

                  ປະ​ກອບ​ມີ 11 ຕົວ​ເມືອງ, ມີ 446 ບ້ານ, ມີ 69 ກຸ່ມ​ບ້ານ ມີ 45 ບ້ານ​ພັດທະນາ ​ແລະ 83 ບ້ານ​ເທດສະບານ​ຄື: ມີ 12 ກຸ່ມ​ບ້ານ ​ແລະ 4 ບ້ານ​ພັດທະນາ ​ເປັນ​ຈຸດ​ສຸມ​ພັດທະນາ​ຂອງ​ແຂວງ​ມີ 62,452 ຄອບຄົວ, ພົນລະ​ເມືອງ​ທັງ​ໝົດ​ມີ 340,556 ຄົນ, ຍິງ 174,920 ຄົນ, ມີ 8 ເຜົ່າ​ຊົນ, ( ລາວ​ໄຕ​ກວມ​ເອົາ 77% ມອນ​ຂ​ະ​ແມ​ກວມ​​ເອົາ 14,5% ມົ້ງອີ​ວມຽນກວມ​ເອົາ 8% ​ແລະ ຕ່າງ​ດ້າວ​ມີ 0,5%)ແຂວງໄຊຍະບູລີ ເປັນ​ແຂວງ​ທີ່​ປູກ​ພືດ​ອຸດສາຫະກຳ, ​ໄມ້​ອຸດສາຫະກຳ ​ແລະ    ​ໄມ້​ໃຫ້​ໝາກ​ຄຽງ​ຄູ່​ກັບ​ການ​ສົ່ງ​ເສີມ​ການ​ລ້ຽງສັດ​ຕິດ​ພັນ​ກັບ​ອຸດສາຫະກຳປຸງ​ແຕ່ງ, ການບໍລິການ​ທາງ​ຜ່ານ ແລະ ການທ່ອງ​ທ່ຽວ ແລະ ເປັນແຂວງດຽວໃນ ສ ປ ປ ລາວ ທີ່ມີງານມະຫະກຳບຸນຊ້າງປະຈຳປີ,ເຊິ່ງຈັດຂຶ້ນໃນອາທິດທີ2 ຂອງເດືອນກຸມພາໃນທຸກໆປີ.

         ແຂວງໄຊຍະບູລີມີດ່ານສາກົນ 4 ແຫ່ງ ແລະ 2 ໂຄງການຂະໜາດໃຫຍ່ເຊັ່ນ:ໂຄງການພະລັງງານຄວາມຮ້ອນHongsa Power ແລະ ໂຄງການພະລັງງານເຂື່ອນໄຟຟ້ານໍ້າຂອງ

        ໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີໄດ້ມີການກຳນົດວິໄສທັດ, ພາລະໜ້າທີ່ ແລະ ຈຸດມຸ້ງໝາຍຢ່າງຈະແຈ້ງ ແລະ ຊັດເຈນ,  ມີມາດຕະຖານເພື່ອຮອງຮັບນັກຮຽນ-ນັກສຶກສາເຊັ່ນ:ໃນປີ2010 ພາຍໄຕ້ການຮ່ວມມືໂຄງການລາວ-ເຢຍລະມັນ(Lao-German Cooperation Phrase III) ໂຮງຮຽນມີອາຄານຮຽນທິດສະດີ ແລະ ອາຄານຝຶກງານພາຍໃນ ທີ່ໄດ້ມາດຕະຖານ, ມີອຸປະກອນ-ເຄື່ອງມື ເຄື່ອງຈັກຮັບໃຊ້ການຮຽນ-ການສອນຄົບຖ້ວນ.

       ມີຫ້ອງສະໝຸດ, ຫ້ອງຮຽນ, ຫ້ອງຄອມພິວເຕີ ພຽງພໍກັບຈຳນວນນັກຮຽນ. ມີຫໍພັກເພື່ອຮອງຮັບນັກຮຽນທີ່

ມາຈາກເຂດຫ່າງໄກ ແລະ ຕ່າງແຂວງ. ມີສະຖານທີ່ກວ້າງຂວາງ ມີເດີນຫຼິ້ນກິລາທຸກປະເພດ.