ທີມງານຂອງໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີເຂົ້າຮ່ວມການຝຶກອົບຮົມນຳໃຊ້ປື້ມຄູ່ມືປະກັນຄຸນນະພາບສະຖານອາຊີວະສຶກສາທີ່ວິທະຍາໄລກະສິກຳ ແລະ ປ່າໄມ້ແຂວງບໍລິຄຳໄຊ

   ໂດຍປະຕິບັດຕາມໜັງສືສະເໜີຂອງວິທະຍາໄລເຕັກນິກກະສິກຳ ແລະ ປ່າໄມ້ກ່ຽວກັບວຽກງານປະກັນຄຸນນະພາບສະຖານອາຊີວະສຶກສາໃນວັນທີ10 ກັນຍາ 2018 ໂດຍການເປັນປະທານຂອງ ທ່ານ ສົມສະຫວາດ ຊົມຄຳນິລັນດອນ ຜູ້ອຳນວຍການວິທະຍາໄລເຕັກນິກກະສິກຳ ແລະ ປ່າໄມ້ໄດ້ໃຫ້ກຽດເປີດກອງປະຊຸມນຳໃຊ້ປື້ມຄູ່ມືປະກັນຄຸນນະພາບການສຶກສາຂອງສະຖານອາຊີວະສຶກສາຢູ່ວິທະຍາໄລເຕັກນິກກະສິກຳ ແລະ ປ່າໄມ້ໃຂຂຶ້ນໃນວັນທີ10-11 ກັນຍາປີ2018 ໂດຍມີຄະນະນຳຂອງວິທະຍາໄລ,ພະນັກງານຄູອາຈານທີ່ກ່ຽວຂ້ອງເຂົ້າຮ່ວມ ແລະ ຕາງໜ້າທາງໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີມີທ່ານ ທອງດີ ເນົາວັນເພັງ ຮອງຜູ້ອຳນວຍການໂຮງຮຽນ ເປັນວິທະຍາກອນ ແລະ ທ່ານ ສາຍທຽນ ບຸນທັນທີ ຫົວໜ້າພະແນກຄຸ້ມຄອງວິຊາການເປັນຄູຝຶກ.