ວິທະຍາໄລເຕັກນິກກະສິກຳ ແລະ ປ່າໄມ້ແຂວງບໍລິຄຳໄຊລົງມາຖອດຖອນແລກປ່ຽນບົດຮຽນກ່ຽວກັບການຈັດຕັ້ງປະຕິບັດວຽກງານປະກັນຄຸນນະພາບສະຖານອາຊີວະສຶກສາ,ກອງປະຊຸມຖອດຖອນບົດຮຽນວຽກງານປະກັນຄຸນນະພາບສະຖານອາຊີວະສຶກສາໄດ້ໄຂຂຶ້ນທີ່ຫ້ອງປະຊຸມຂອງໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີຂອງວັນທີ: 12 ມິຖຸນາ 2018 ໂດຍໃຫ້ກຽດຕ້ອນຮັບໂດຍທ່ານ ທອງຈັນ ພັນທຸອາມາດ ຜູ້ອຳນວຍການໂຮງຮຽນພ້ອມດ້ວຍຄະນະ ແລະ ຫົວໜ້າພະແນກການຕ່າງໆຂອງໂຮງຮຽນທີ່ຮັບຜິດຊອບວຽກງານປະກັນຄຸນນະພາບ.ຕາງໜ້າທາງວິທະຍາໄລເຕັກນິກກະສິກຳ ແລະ ປ່າໄມ້ແຂວງບໍລິຄຳໄຊແມ່ນ ທ່ານ ສົມສະຫວາດ
ຊົມຄຳນິລັນດອນ ຜູ້ອຳນວຍການວິທະຍາໄລເຕັກນິກກະສິກຳ ແລະ ປ່າໄມ້ພ້ອມດ້ວຍພະນັກງານທີ່ກ່ຽວຂ້ອງຂອງວິທະຍາໄລມີຜູ້ເຂົ້າຮ່ວມປະຊຸມທັງໝົດ: 19ຄົນ,ຍິງ 6ຄົນ( ມາຈາກວິທະຍາໄລເຕັກນິກກະສິກຳ ແລະ ປ່າໄມ້ແຂວງບໍລິຄຳໄຊ 10ຄົນ,ຍິງ6ຄົນ ) ກອງປະຊຸມໄດ້ເນັ້ນໜັກກ່ຽວກັບການຂຽນບົດລາຍງານການປະເມີນຕົນເອງ,ການເກັບກຳຂໍ້ມູນຫຼັກຖານເພື່ອສະໜັບສະໜູນຕາມ12ມາດຕະຖານ ແລະ 45 ຕົວຊີ້ວັດ ແລະ ການກະກຽມຄວາມພ້ອມໃນການປະເມີນພາຍໃນ ແລະ ພາຍນອກ. ກອງປະຊຸມໄດ້ດຳເນີນເປັນເວລາ 3 ວັນຈຶ່ງສຳເລັດ.
No comments:
Post a Comment