ໃນຕອນແລງຂອງວັນທີ 27 ກຸມພາປີ 2018 ເວລາ14:00 ໂມງ ທີ່ຫ້ອງປະຊຸມຂອງໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີໄດ້ຈັດພິທີລ້ຽງສົ່ງນັກພັດທະນາກອນໂຄງການVELA ປະຈຳໂຮງຮຽນ ທ່ານ ນາງ Andrea Lamprecht ໂດຍການເປັນປະທານຂອງທ່ານ ກາບແກ້ວ ສີບຸນມາ ຫົວໜ້າພະແນກສຶກສາທິການ ແລະ ກິລາແຂວງໄຊຍະບູລີ,ມີຫ້ອງວ່າການປົກຄອງແຂວງ,ພະແນກແຜນການ ແລະ ການລົງທຶນ,ພະແນກແຮງງານສະຫວັດດີການສັງຄົມ ແລະ ພະແນກການອ້ອມຂ້າງແຂວງ,ຄະນະອຳນວຍການໂຮງຮຽນ,ພະນັກງານຄູ-ອາຈານ,ໂຮງຮຽນອ້ອມຂ້າງແຂວງ,ນາຍບ້ານ ແລະ ຫ້ອງການ ປ ກ ສ ເມືອງໄຊຍະບູລີເຂົ້າຮ່ວມຈຳນວນ 17/1 ຄົນ.
ທ່ານ ນາງ Andrea Lamprecht ນັກພັດທະນາກອນເຢຍລະມັນປໂຄງການVELA ປະຈຳທີ່ໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີໄດ້ຜ່ານຜົນງານໂດຍຫຍໍ້ກ່ຽວກັບການຈັດຕັ້ງປະຕິບັດໜ້າທີ່ວຽກງານທີ່ແຂວງໄຊຍະບູລີເປັນເວລາ 2 ປີ 6 ເດືອນ
ທ່ານ ນາງ Andrea Lamprecht ໄດ້ກ່າວວ່າ:ຕະຫຼອດໄລຍະເວລາການປະຕິບັດໜ້າທີ່ກ່ຽວກັບການຝຶກອົບຮົມວິຊາຊີບໄລຍະສັ້ນໃຫ້ແກ່ຊາວໜຸ່ມ-ຍິງໜຸ່ມພາຍໃນແຂວງໄຊຍະບູລີມີຜູ້ທີ່ສຳເລັດການສຶກສາໃນ5ສາຂາຄື: ການຕິດຕັ້ງໄຟຟ້າໃນອາຄານ,ປູກຝັງ,ລ້ຽງສັດ,ກໍ່ສ້າງເຄຫະສະຖານ ແລະ ການປຸງແຕ່ງອາຫານໃນຫຼັກສູດຊັ້ນຕົ້ນລະດັບ1 ຈຳນວນ 397 ຄົນ ແລະ ຫຼັກສູດຊັ້ນຕົ້ນລະດັບ2 ຈຳນວນ 92 ຄົນ ໂດຍການສະໜັບສະໜູນທຶນຝຶກອົບຮົມຈາກໂຄງການພັດທະນາອາຊີວະສຶກສາທັງໝົດ: 2.490.860.000 ກີບ
ທ່ານ ກາບແກ້ວ ສີບຸນມາ ຫົວໜ້າພະແນກສຶກສາທິການ ແລະ ກິລາແຂວງໄຊຍະບູລີໃຫ້ກຽດມອບໃບຍ້ອງຍໍຂອງທ່ານເຈົ້າແຂວງໄຊຍະບູລີເພື່ອຊົມເຊີຍຜົນງານຂອງຜູ້ກ່ຽວຕະຫຼອດໄລຍະເວລາຂອງການເຮັດວຽກທີ່ແຂວງໄຊຍະບູລີ.
No comments:
Post a Comment